ისრაელის იუსტიციის მინისტრი ციპი ლივნი აცხადებს, რომ ის კმაყოფილია წლების განმავლობაში შეწყვეტილი და ახახანს განახლებული პირდაპირი მოლაპარაკებების პირველი რაუნდით პალესტინელებთან. მოლაპარაკებები ვაშინგტონში გაიმართა. ინფორმაციას ამის შესახებ „ბი-ბი-სი" ავრცელებს.
აშშ-დან ისრაელში დაბრუნებულმა ლივნიმ აღნიშნა, რომ მოლაპარაკებების დროს იგრძნობოდა იმედი. მისი აზრით, ორივე მხარე სერიოზულად არის განწყობილი ყველა საკითხის განსახილველად.
თავის მხრივ, მაღალჩინოსანმა პალესტანელმა პოლიტიკოსმა ხანან აშრავიმ განაცხადა, რომ რჩება კითხვა გამოიყენებს თუ არა ისრაელი მოლაპარაკებების ცხრა თვეს იმისათვის, რომ მიიერთოს მეტი ტერიტორია თუ მშვიდობის ერთგულების დემონსტრირებას მოახდენს.
აღსანიშნავია, რომ აშშ-ს სახელმწიფო მდივანმა ჯონ კერიმ განაცხადა, რომ ისარაელის და პალესტინი დელეგაციებმა თანხმობა განაცხადეს გააგრძელონ მოლაპარაკებათა პროცესი კიდევ ცხრა თვე. მისივე თქმით, ამ პერიოდის განმავლობაში მხარეები შეთანხმების „ფინალურ სტადიამდე" უნდა მივიდნენ.