აშშ-ის ხელისუფლებამ გამოაქვეყნა სატელეფონო ზარების მოსმენის პროგრამასთან დაკავშირებული დოკუმენტები, რომლის შესახებაც ინფორმაცია ეროვნული უსაფრთხოების სააგენტოს ყოფილმა თანამშრომელმა ედვარდ სნოუდენმა გაასაჯაროვა.
ამერიკული მხარე ამ ჟესტს სპეცსამსახურების საქმიანობის უფრო მეტი გამჭირვალეობის სურვილს უკავშირებს.
„ვფიქრობ ეს სწორი გადაწყვეტილებაა. ეს შესაძლებელს გახდის ყველამ ნახოს რის გაკეთებას ვცდილობთ და როგორ ვცდილობთ", - განაცხადა ეროვნული უსაფრთხოების სააგენტოს ხელმძღვანელმა კიტ ალექსანდერმა.
ამავე დროს, გამოქვეყნებული დოკუმენტებიდან ამოღებულია საკმაოდ მნიშვნელოვანი ინფორმაცია, რომელიც კვლავინდებურად საიდუმლოდ ითვლება.
პარალელურად ბრიტანულმა გამოცემა „გარდიანმა" გამოაქვეყნა აშშ-ის სპეცსამსახურების საქმიანიბის ახალი ფაქტები, რომელიც გაზეთს ასევე ედვარდ სნოუდენმა გაუმხილა. მან გაზეთს პროგრამა XKeyscore-ზე მოუყვა.
სნოუდნეის მონაცემებით, პროგრამა შესაძლებლობას იძლევა განხორციელდეს ინტერნეტმომხმარებლის საქმიანობის სრული კონტროლი.
მასალის გამოყენების პირობები
