თურქეთის შეიარაღებული ძალები სირიასთან საზღვარზე სრულ საბრძოლო მზადყოფნაში არიან მოყვნილი. ეს გამოწვეულია არსებული რეალური საფრთხით მოსაზღვრე რაიონებისათვის. ინფორმაციას ამის შესახებ თურქული გაზეთი „მილლიეტ"-ი ავრცელებს.
დაძაბულობა შეიქმნა იმ სასტიკი ბრძოლების შემდებ, რომლებიც უკვე ორ კვირაზე მეტი ხანია გრძელდება სირიის ჩრდილო-აღმოსავლეთ ნაწილში ქურთი ამბოხებულებისა და ექსტრემისტული დაჯგუფებების ბოევიკებს შორის, რომლებიც „ალ -ქაიდასთან" არიან კავშირში.
თვითმხილველთა თქმით, ასობით მშვიდობიანი მოსახლე ტოვებს საკუთარ საცხოვრებელ სახლებს, რომლებიც იმ რაიონში მდებარობენ სადაც სისხლისმღვრები ბრძოლები მიმდინარეობს. გამანადგურებლები ყოველდღიურად რამდენიმე საათი პატრულირებენ თურქეთ-სირიის საზღვარს.
გაზეთის ინფორმაციით, ქვეითთა ბრიგადები ზღუდავენ შესაძლებლობას ქვეყანაში არალეგალებისა და კონტრაბანდისტების შემოსვლისა. ყველა სადაზვერვო მონაცემი გენშტაბში იგზავნება გაშიფვრისა და შესწავლისათვის.
„ბოლო რამდენიმე დღის განმავლობაში ანკარაში ორჯერ შეიკრიბა მინისტრთა კაბინეტის საგანგებო სხდომა პრემიერ ერდოღანის თავმჯდომარეობით. დღის წესრიგში მხოლოდ ერთი საკითხი იყო - გადაუდებელი ზომების მიღება უსაფრთხოების საკითხებში სირიასთან 900 კილომეტრზე მეტი სიგრძის საზღვრის მთელს პერიმეტრზე", _ წერს ადგილობრივი მედია.