პაკისტანის პრეზიდენტი პარლამენტში გამართული კენჭისყრის შემდეგ პაკისტანის მუსულმანური ლიგის წარმომადგენელი მამნუნ ჰუსეინი გახდა. ინფორმაციას ამის შესახბე ადგილობრივი ტელევიზია ავრცელებს.
ტელეარხის ინფორმაციით, გავრცელებული ინფორმაცია ხმის მიცემის არაოფიციალურ შედეგებს ეყრდნობა.
ჰუსეინი ამ თანამდებობაზე ასიფ ალი ზარდანს შეცვლის და პაკისტანის მე -12 პრეზიდენტი გახდება.
პაკისტანის კონსტიტუციის თანახმად, პრეზიდენტს შეზღუდული უფლებები აქვს და მნიშვნელოვანი პოლიტიკური გადაწყვეტილებების მიღებისას იგი მნიშვნელოვან როლს არ ასრულებს.
