გაეროს მონაცემებით ავღანეთში მშვიდობიანი მოსახლეობას შორის მსხვერპლი ბოლო პერიოდის განმავლობაში საგრძნობლად გაიზარდა. ინფორმაციას ამის შესახებ „ბი-ბი-სი" ავრცელებს.
ანგარიშში, რომელიც ორგანიზაციის მიერაა შედგენილი ნათქვამია, რომ მიმდინარე წლის პირველ ექვს თვეში ქვეყანაში 1300 ზე მეირ მშვიდობიანი მცხოვრებია დაღუპული. კიდევ 2, 5 ათასი კი დაჭრილია. მათივე ინფორმაციით, ეს გაცილებით მეტია წინა წლის ამავე პერიოდის მონაცემზე.
ავღანელები ძირითადად იღუპებიან ნაღმების გამო, რომლებიც გზებსა და გზების ნაპირებზე არის დამონტაჟებული. თუმცა ანგარიშში ასევე აღნიშნულია, რომ სულ უფრო და უფრო ხშირად, მშვიდონიანი ადგილობრივი მოსახლეობა განზრახ შერჩეული სამიზნედ ხდება.