აშშ სპეცსამსახურების ყოფილი თანამშრომლის ედვარდ სნოუდენის მიერ გასაჯაროებული, ეროვნული უსაფრთხოების სააგენტოს პროგრამების შესახებ დოკუმენტებს გამოაქვეყნებს. ამის შესახებ საგენტო როიტერი იტყობინება.
საიდუმლო დოკუმენტების გამოქვეყნება, შესაძლოა, მიმდინარე კვირასაც მოხდეს.
სააგენტოს ინფორმაცით, შესაბამისი გადაწყვეტილება ეროვნული დაზვერვის სამსახურის დირექტორის ჯეიმს კლეპერის განცხადებას უკავშირდება, რომელმაც განაცხადა, რომ სპეცსამსახურების საქმიანობა უფრო ღია უნდა გახდეს.
გამოქვეყნებული დოკუმენტები ნათელს მოჰფენს ეროვნული უსაფრთხოების სააგენტოს პროგრამებს, რომლის შესახებაც ინფორმაცია სნოუდენმა გააჟღერა, ასევ ცნობილი გახდება Foreign Intelligence Surveillance Court, Fisa-ს (თვალთვალზე სასამართლოს საიდუმლო ორდერის) შესახებაც, რომელიც ასევე ფიგურირებს სნოუდენის სკანდალში.
„ვფიქრობ ეს სწორი გადაწყვეტილებაა. ეს შესაძლებელს გახდის ყველამ ნახოს რის გაკეთებას ვცდილობთ და როგორ ვცდილობთ", - განაცხადა ეროვნული უსაფრთხოების სააგენტოს ხელმძღვანელმა კიტ ალექსანდერმა.
შეგახსნებთ, რომ აშშ-დან გამოქცეუულმა სნოუდნემა, რომელიც თავს მოსკოვს აფარებს, მედიას გადასცა ინფორმაცია ეროვნული უსაფრთხოების სააგენტოს საქმიანობის, კერძოდ სატელეფონო ზარების მოსმენის, ინტერნეტ-აქტოვობების კონტროლისა და სხვა საქმიანობის შესახებ
