ამერიკელი სენატორი ჯონ მაკკეინი და მისი კოლეგა ლინდსი გრემი მომავალ კვირას ეგვიპტეში ჩავლენ. შესაბამისი განცხადება სენატორებმა გააკეთეს.
მაკკეინის თქმით, აშშ-ის პრეზიდენტმა ბარაკ ობამამ თხოვნით მიმართა სენატორებს, რათა ისინი ჩავიდნენ ეგვიპტეში და სამხედრო ხელისუფლება ახალი არჩევნების ჩატარების აუცილებლობაში დაარწმუნონ.
მაკკეინს და გრემს აღნიშნულ საკითხზე სხვა კომენტარი არ გაუკეთებით, თუმცა აღნიშნეს, რომ შეეცდებიან მაქსიმალურად შეუწყონ ხელი ეგვიპტეში შერიგების პროცესს.
გრემის თქმით, მათი მისიის მიზანია ეგვიპტის ხელისუფლებასთან მიიტანონ იდეა ქვეყანაში სამოქალაქო მმართველობის აღდგენის შესახებ.
თავად თეთრი სახლი სენატორების ეგვიპტეში დაგეგმილი ვიზიტის შესახებ კომენტარს არ აკეთებს.
შეგახსენებთ, რომ ივლისის დასაწყისში პრეზიდენტი მუსრი სამხედროებმა ხელისუფლებას ჩამოაცილეს.