,,ერთიანი ნაციონალური მოძრაობის" პრაიმერის მორიგი ტური შაბათს, 20 ივლისს, 15:00 საათზე ზუგდიდის შალვა დადიანის სახელობის სახელმწიფო დრამატულ თეატრში გაიმართება.
პრაიმერში მონაწილე დელეგატების რეგისტრაცია კი, 14:00 საათზე დაიწყება. დებატების თემა: საგარეო პოლიტიკა და უსაფრთხოება იქნება.
შეგახსენებთ, რომ ,,ერთიანი ნაციონალური მოძრაობის" პრაიმერში დავით ბაქრაძე, გიორგი ბარამიძე, შოთა მალაშხია და ზურაბ ჯაფარიძე იღებენ მონაწილეობას. ამ დრომდე გამართულ პრაიმერში დავით ბაქრაძე ლიდერობს.
