რუსეთის კრასნოდარის მხარეში, დრონებით აფიპსკის ნავთობგადამამუშავებელ ქარხანაზე თავდასხმა განხორციელდა. ადგილზე რამდენიმე აფეთქება მოხდა.
როგორც Telegram-არხი Exilenova+ წერს, აფიპსკის ნავთობგადამამუშავებელ ქარხანაში რამდენიმე აფეთქების ხმა გაისმა, რის შემდეგაც ხანძარი გაჩნდა.
გარდა ამისა, აფეთქებები ადიღეიშიც მოხდა.
აფიპსკის ნავთობგადამამუშავებელი ქარხანა რუსეთის სამხრეთში ერთ-ერთი უმსხვილესი ნავთობგადამამუშავებელი საწარმოა. მისი საპროექტო სიმძლავრე წელიწადში 6 მილიონ ტონაზე მეტ ნავთობს შეადგენს. საწარმო აწარმოებს საწვავს, რომელიც, მათ შორის, რუსეთის საოკუპაციო არმიასაც მიეწოდება.
