საქართველოს პრემიერ-მინისტრი ბიძინა ივანიშვილი სომხეთის თავდაცვის მინისტრს თეირან ოჰანიანს შეხვდა.
შეხვედრა თეირან ოჰანიანთან პრემიერ-მინისტრის საზაფხულო რეზიდენციაში გაიმართა და მას საქართველოს თავდაცვის მინისტრი ირაკლი ალასანიაც ესწრებოდა.
შეხვედრაზე მხარეებმა კავკასიის რეგიონის უსაფრთხოების საკითხები განიხილეს. საუბარი შეეხო ასევე, ქვეყნებს შორის ორმხრივ ურთიერთობებსა თანამშრომლობის პერსპექტივებს.
შეგახსენებთ, რომ დღეს, საქართველოს თავდაცვის სამინისტროში ირაკლი ალასანიამ სომეხ კოლეგასთან უკვე გამართა პირისპირ შეხვედრა. ასევე, შედგა გაფართოებული შეხვედრა საქართველოსა და სომხეთის თავდაცვის დელეგაციებს შორის. სომხეთის რესპუბლიკის თავდაცვის სამინისტროს წარმომადგენლების ორდღიანი ვიზიტი საქართველოში ხვალ დასრულდება.
