პრემიერ-მინისტრის ბიძინა ივანიშვილის პრესსამსახური საქართველოს პრეზიდენტს მიხეილ სააკაშვილს პასუხობს და განცხადებას ავრცელებს, რომელსაც ,,ჯი-ეიჩ-ენი" უცვლელად გთვაზობთ:
საქართველოს პრემიერ-მინისტრის პრესსამსახური ხაზგასმით აცხადებს, რომ საქართველოს პრეზიდენტის მიხეილ სააკაშვილის განცხადება იმის თაობაზე, რომ პრემიერ-მინისტრმა და თავდაცვის მინისტრმა გააუქმეს შეხვედრა ევროპარლამენტარებთან, რომელიც თითქოს დღეს, 17 ივლისს უნდა გამართულიყო, არ შეესაბამება სიმართლეს.
პრემიერ-მინისტრის შეხვედრა ევროპარლამენტარებთან ჩანიშნული არ ყოფილა და, შესაბამისად, ვერ გაუქმდებოდა. საქართველოს პრემიერ-მინისტრი ემზადება უმნიშვნელოვანესი ვიზიტისთვის, რომელიც გაიმართება პოლონეთსა და ლიტვაში, რის გამოც ასეთი შეხვედრა ვერც დაიგეგმებოდა.
რაც შეეხება თავდაცვის მინისტრს ირაკლი ალასანიას, მისი შეხვედრა ევროპარლამენტარებთან ასევე არ იყო დაგეგმილი, რადგან დღეს მინისტრი მასპინძლობს თავის კოლეგას - სომხეთის თავდაცვის მინისტრს და ეს შეხვედრა დიდი ხნის წინ დაიგეგმა", _ნათქვამია პრემიერის პრესსამსახურის განცხადებაში.
შეგახსენებთ, რომ მიხეილ სააკაშვილის განცხადებით, ევროპარლამენტარებმა ივანიშვილთან და ალასანიასთან შეხვედრა მერაბიშვილის მონახულების შემდეგ გააუქმეს
