ამერიკელი პარლამენტარი მიიჩნევს, რომ რუსეთის მიერ ედუარდ სნოუდენისათვის თავშესაფრის მიცემის შესაძლო პასუხი შეიძლება აშშ-ს მიერ 2014 წლის სოჭის ოლიმპიადის ბოიკოტირება გახდეს. თუმცა პრეზიდენტი ობამა ჯერ ჯერობით არ აპირებს „დიდი ოცეულის" სამიტზე გამგზავრებაზე უარის თქმას, რომელიც სანქტ-პეტერბურგში სექტემბერში უნდა გაიმართოს.
„იმ შემთხვევაში თუ რუსეთი სნიუდენს პოლიტიკურ თავშესაფარს მისცემს აშშ-ს პრეზიდენტმა უნდა განიხილოს სოჭის ოლიმპიური თამაშების ბოიკოტირების საკითხი", - ეს განცხადება სენატორმა ლინდსი გრემმა ჟურნალ „The Hill"-სათვის მიცემულ ინტერვიუში გააკეთა.
მისივე თქმით, „ეს იქნებოდა ყველაზე გასაგები სიგნალი რუსეთისათვის, რომელიც გვიშველიდა. ახლა კი რუსეთის ხელისუფლება აღმაშფოთებელ საქციელს ჩადის", _ აცხადებს სენატორი.
მისივე თქმით, თუ რუსეთი სნოუდენს თავშესაფარს მისცემს ეს იქნება აშშ-თვის გაწნული სილა.
