,,ნაციონალური მოძრაობა" ევროპარლამენტარების მიერ ვანო მერაბიშვილის ციხეში მონახულებას ეხმიანება. პარტიაში აცხადებენ, რომ ,,ნაციონალური მოძრაობის" გენერალური მდივნის წინასწარი პატიმრობის საკითხის მიმართ წამყვანი ევროპელი პოლიტიკოსების მაღალი ინტერესი ამ საქმის მათ მიერ სწორედ პოლიტიკურ კონტექსტში განხილვას ადასტურებს.
,,ნაციონალური მოძრაობა" მადლობას უხდის ევროპარლამენტის დელეგაციას და ევროკომისარ ფულეს გამოჩენილი ყურადღებისათვის.
,,ნაციონალური მოძრობა" გამოთქვამს იმედს, რომ პრემიერ-მინისტრ ივანიშვილის მიერ მომავალი საპრეზიდენტო არჩევნების სამართლიანად და კონკურენტულად ჩატარების შესახებ აღებული ვალდებულება რეალურ შედეგს გამოიღებს. ამისათვის აუცილებელია შეწყდეს ამ და სხვა პოლიტიკურად მოტივირებულ საქმეებში წინასწარი პატიმრობის პოლიტიკურ იარაღად გამოყენება ხოლო ეჭვმიტანილების წინასწარი პატიმრობიდან გათავისუფლება რისი აუცილებლობაც ევროპელი პარლამენტარების აზრით არ არსებობს.
შეგახსენებთ, რომ ,,ნაციონალური მოძრაობის" გენერალური მდივანი ვანო მერაბიშვილი ევროპარლამენტარებმა მოინახულეს. მათი განმარტებით, ისინი ვანო მერაბიშვილის წინასწარ პატიმრობაში დატოვების აუცილებლობას ვერ ხედავენ.
