"მაუწყებლობის შესახებ" კანონპროექტსა და "ელექტროენერგეტიკისა და ბუნებრივი გაზის შესახებ" კანონში შესატან ცვლილებებზე, რომელსაც პრეზიდენტმა ვეტო დაადო საპარლამენტო უმრავლესობა დღეს ვეტოს დაძლევას შეეცდება.
"მაუწყებლობის შესახებ" კანონპროექტთან დაკავშირებით პრეზიდენტს ოთხი ძირითადი შენიშვნა აქვს. მიხეილ სააკაშვილი საზოგადოებრივი მაუწყებლის სამეურვეო საბჭოს წევრისთვის უფლებამოსილების ვადამდე შეწყვეტილს ზოგად წესებს და ასევე მოქმედი საბჭოსთვის უფლებამოსილების ვადამდე შეწყვეტის საკითხს აკრიტიკებს
ხოლო მეორე ვეტოდადებულ კანონპროექტს, პრეზიდენტმა ხელი პარლამენტის მიერ მიღებულ იმ ცვლილებებს არ მოაწერა, რომლის საფუძველზეც ენერგეტიკის და წყალმომარაგების მარეგულირებელი ეროვნული კომისიის წევრების თანამდებობაზე მოხსნა-დანიშვნა მისი პრეროგატივა აღარ იქნება და უფლებამოსილება პრეზიდენტიდან პრემიერ-მინისტრის ხელში გადავა. ამავე ცვლილებების ფარგლებში პრეზიდენტის ნაცვლად, პრემიერ-მინისტრი დანიშნავს კომისიის წევრთაგან ერთ-ერთს, კომისიის თავმჯდომარის პოსტზე. ამ ყველაფერს "ელექტროენერგეტიკისა და ბუნებრივი გაზის შესახებ" კანონში შეტანილი ცვლილებები ითვალისწინებს, რომელსაც ვეტო ადევს.
საპარლამენტო უმრავლესობის განცხადებით, ისინი დღევანდელ პლენარულ სხდომაზე, აღნიშნულ ვეტოებს, ისევე როგორც წინადანარჩენ ვეტო დადებულ კანონპროექტებსაც ხმათა უმრავლესობით დაძლევს.