ხვალ, 12 ივლისს, ეროვნულ-დემოკრატიული ინსტიტუტი (NDI) მედიას წარუდგენს ამა წლის ივნისში ჩატარებული საზოგადოებრივი აზრის კვლევის შედეგებს თემაზე "საზოგადოების განწყობა საქართველოში". კვლევის პრეზენტაცია გაიმართება 12:00 საათზე, სასტუმროში „ქორთიარდ მარიოტი", თავისუფლების მოედანი # 4.
NDI-ის კვლევის საველე სამუშაოები ჩატარდა 12-26 ივნისის პერიოდში, საქართველოს მასშტაბით 2,338 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს კავკასიის კვლევითი რესურსების ცენტრი (CRRC).