,,საოკუპაციო ზოლთან მიმდინარე პროცესების გამო ისტერიკაში ნუ ჩავარდებით ", -განაცხადა ჟურნალისტებთან პრემიერ-მინისტრმა ბიძინა ივანიშვილმა საოკუპაციო ზოლთან ბოლო დროს განვითარებული პროცესების კომენტირებისას.
მისივე განმარტებით, საქართველოს ხელისუფლებამ ყველა შესაბამისი სტრუქტურა საქმის კურსში უკვე ჩააყენა.
,,რა თქმა უნდა, შემაშფოთებელია პროცესი რაც საოკუპაციო ხაზთან გრძელდება. მიუხედავად იმისა, რომ ჩვენ მკვეთრი რეაქცია გავაკეთეთ პირველსავე შემთხვევაზე. ამაზე ფულეს დამოკიდებულებაც ნახეთ. ასეთივეა ევროპის დამოკიდებულება, ასეთივე აშშ-ის დამოკიდებულება, ასევე უყურებს ყველა ცივილიზებული სამყარო. მე კიდევ ერთხელ მოგიწოდებდით მოთმინებით. ყველა სტრუქტურებსაც რასაც შეიძლებოლა ხმა მივაწვდინეთ. იმ დროს როცა გარკვეულ წარმატებებს მივაღწიეთ რუსეთთან ურთიერთობაში, წარმოუდენელია ის ქმედებები რაც გრძელდება. ასეთი სახის პროვოკაციული გამოხტომები აბსოლუტურად არ ჯდება იმ მიმართულებაში, რომელიც ჩვენ მოვახერხეთ და მივაღწიეთ რუსეთთან ურთიერთობაში", _განაცახდა ივანიშვილმა
შეგახსენებთ, რომ გუშინ, ცხინვალის რეგიონში, სოფელ დიცთან სასაფლაოების ტერიტორიაზე რუსმა სამხედროებმა მავთულხლართების გაბმის პროცესი განაახლეს.
საოკუპაციო ზოლის გამაგრების სამუშაოები ოკუპანტებმა დღეს დილით განაახლეს. ადგილზე ექვსი რუსი სამხედრო და სპეცტექნიკაა მობილიზებული.
რუსმა სამხედროებმა ჟურნალისტების გამოჩენისთანავე სამუშაოები შეწყვიტეს და ავტომანქანებში დაიმალნენ.
ადგილობრივი მოსახლეობა მომხდართან დაკავშირებით ცენტრალური ხელისუფლებისგან ადეკვატურ რეაგირებას მოითხოვს.
