.,,ჩვენ ერთგული ვართ კოჰაბიტაციის პროცესის", _განაცხადა ბიძინა ივანიშვილმა ბათუმში მიმდინარე კონფერენციის ფარგლებში ევროკავშირის წარმომადგენელთან გაფართოებისა და სამეზობლო პოლიტიკის საკითხებში ევროკომისარ შტეფან ფულესთან შეხვედრის შემდეგ.
,,ჩვენ ერთგული ვართ კოჰაბიტაციის პროცესის, რასაც ადასტურებს ურეკში საპარლამენტო უმცირესობის ლიდერთან გამართული საკმაოდ კონსტრუქციული შეხვედრა და ის ერთობლივი გადაწყვეტილებები, რომელიც ჩვენ მივიღეთ არაერთ აქტუალურ საკითხებთან დაკავშირებით", _განაცხადა ივანიშვილმა.
პრემიერ-მინისტრმა იმედი გამოთქვა, რომ საპრეზიდენტო არჩევნები წარმატებულად ჩაივლის.
,, ეს არჩევნები კარგად წარმოადგენს, რომ დემოკრატიის მშენებლობის თვალსაზრისით ახალი ხელისუფლების პირობებში ჩვენი ქვეყანა წინ მიდის", _განაცხადა ივანიშვილმა.
შეგახსენებთ, რომ ბათუმში მე-10 საერთაშორისო კონფერენცია სახელწოდებით ,,საქართველოს ევროპული გზა და ევროკავშირის აღმოსავლეთის ევროპული პარტნიორები ვილნიუსის აღმოსავლეთის სამიტისკენ" მიმდინარეობს.
