საგაზაფხულო სესიაზე პარლამენტმა 137 კანონპროექტი მიიღო, - ამის შესახებ პარლამენტის თავმჯდომარემ დავით უსუფაშვილმა ჟურნალსიტებთან საუბრისას განაცხადა.
მისი თქმით, კანონპროექტების სიმრავლე მიუთითებს, რომ პარლამენტი და დეპუტატები სრული დატვირთვით მუშაობდნენ. ასევე, უსუფაშვილის განმარტებით, მათ 8 კანონპროექტზე დასძლიეს პრეზიდენტის ვეტო.
„საშემოდგომო სესიაზე ჩვენ მივიღეთ მხოლოდ 30 კანონპროექტი, საგაზაფხულოზე კი - 137. ასევე განხორციელდა 70-მდე ოფიციალური ვიზიტი ქვეყნის ფარგლებს გარეთ და მივიღეთ 500-ზე მეტი დადგენილება,"- განაცხადა უსუფაშვილმა.