ვიცე-სპიკერი წევრი ზვიად ძიძიგური „ნაციონალური მოძრაობის" მიერ პარლამენტისათვის გამოცხადებული ბოიკოტის შეწყვეტას მიესალმება.
ძიძიგურის თქმით, თუ „ნაციონალებს" აქვთ კონკრეტული შენიშვნები ახალ ხელისუფლებასთან, მაშინ მათ პარლამენტის ტრიბუნა უნდა გამოიყენონ და არა ბოიკოტის ფორმატს მიანიჭონ უპირატესობა.
„ჩვენ არ გვინდა იმ პარლამენტს დავემსგავსოთ, სადაც მუშაობაში ერთი პოლიტიკური ძალაა ჩართული. ამიტომ, კარგია ბოიკოტის შეწყვეტა და მათ დაბრუნებას მივესალმები," - ამბობს ზვიად ძიძიგური.
შეგახსენებთ, რომ „ნაციონელებმა" საპარლამენტო მუშაობაზე უარი თბილისის მერიასა და საკრებულოში განვითარებული მოვლენების შემდეგ განაცხადეს.