ვლადიმერ ბედუკაძესთან დაკავშირებით არჩილ კბილაშვილმა გადაწყვეტილება დამოუკიდებლად მიიღო. როგორც ჟურნალისტებთან იუსტიციის მინისტრმა თეა წულუკიანმა განაცხადა ბედუკაძის საქმესთან დაკავშირებით მთავარი პროკურატურის შუამდგომლობა მას შემდეგ ნახა რაც ის სასამართლოში შევიდა.
"შუამდგომლობას გარკვეულწილად, დასაბუთებული იყო, თუმცა გამორჩენილი იყო ის ფაქტი, რომ საქმე ეხებოდა სულ მცირე არაადამიანურ მოპყრობას და მაქსიმუმ - წამებას. ამ ორ ნაწილში საერთაშორისო სამართალი და მათ შორის ჩვენი კანონი კრძალავს იმას, რომ ვინმეს რაიმე ტიპის შეღავათი გაუკეთონ, მითუმეტეს, ამ ხარისხის შეღავათი. ამიტომ გადასასინჯია, როგორი გამოსავალი უნდა გამოიძებნოს. მე ამაზე ვიცი, რომ მთავარი პროკურატურა მუშაობს და დაველოდოთ ხვალინდელ დღეს, რა გამოსავალს შემოგვთავაზებენ. თუმცა, თვითონ სისხლის სამართლის, როგორც მატერიალური, ისე საპროცესო კოდექსი ძალიან ბევრ გასაქანს ამ მხრივ არ იძლევა", - განაცხადა თეა წულუკიანმა და აღნიშნა, რომ მომხდართან დაკავშირებით პასუხისმგებლობას იზიარებს.
,,მე არასოდეს არცერთ ცემს პასუხისმგებლობას არ გავქცევივარ და ასე იქნება ამ შემთხვევაშიც", _განაცხადა წულუკიანმა.
