"ნაციონალური მოძრაობის" შემომწირველების მიმართ დაწყებული სამართლებრივი დევნა შეჩერდება, -ამის შესახებ ჟურნალისტებს პრემიერ-მინისტრ ბიძინა ივანიშვილსა და პარლამენტის თავმჯდომარე დავით უსუფაშვილთან შეხვედრის დასრულების შემდეგ უმცირესობის ლიდერმა დავით ბაქრაძემ განუცხადა. მისი თქმით, ეს იყო ერთ-ერთი საკითხი, რომელიც შეხვედრაზე განიხილეს.
„საუბარია შარშანდელი არჩევნების პერიოდზე. დეკემბერში ქვეყანამ მიიღო ამნისტიის აქტი წინასაარჩევნო შემოწირულობასა და იქ არსებულ დარღვევებთან დაკავშირებით. მიუხედავად ამისა, რამდენიმე ასეული ადამიანი დაკითხვაზე იყო დაბარებული და მათ მიმართ მიმდინარეობს სამართლებრივი დევნა. მე დავაყენე ეს საკითხი და მოხარული ვარ, რომ მოხერხდა შეთანხმების მიღწევა _ პრემიერის და პარლამენტის პირობა გახლავთ ის, რომ დევნა შეწყდება და პარტიის ფინანსურ შემომწირვებელთა მიმართ აღარ გატარდება შესაბამისი სამართლებრივი ზომები", - აღნიშნა უმცირესობის ლიდერმა.
