ენერგო-პრო ჯორჯიას აბონენტების უმრავლესობას აღმოსავლეთ საქართველოში აღუდგა ელექტროენერგიის მიწოდება. გათიშული აბონენტების დიდი რაოდენობა განსაკუთრებით იყო ქვემო ქართლსა და მცხეთა-მთიანეთის რეგიონებში. ამ დროისთვის გათიშულია მხოლოდ 50 000 აბონენტი, ხოლო 100 000 აბონენტისთვის დენის მიწოდება განახლდა.
შეგახსენებთ, რომ გუშინ ამოვარდნილი ძლიერი ქარის გამო, დაზიანდა ენერგო-პრო ჯორჯიას დაბალი ძაბვის ქსელი; ქარმა წააქცია ელექტრო ბოძები და გაწყვიტა ელექტროენერგიის გადამცემი ხაზები, რამაც გამოიწვია აბონენტებისთვის ელექტროენერგიის გათიშვვა.
ენერგო-პრო ჯორჯიას ტექნიკური ბრიგადები განაგრძობენ მუშაობას დაზიანების ადგილებში, იმისათვის რომ აღმოფხვრან უამინდობით მიყენებული ზიანი და აღადგინონ ქსელის გამართული მუშაობა. იმ შემთხვევაში თუ ამინდი არ გაუარესდა, გათიშული აბონენტების ენერგომომარაგების ეტაპობრივი აღდგენა მოხერხდება დღის ბოლომდე.
