უბედური შემთხვევა მოხდა კახეთში. სიღნაღის რაიონის სოფელ ჯუგაანში 46 წლის მამაკაცი ხარმა იმსხვერპლა.
კობა ზედელაშვილმა ხარი გუშინ შეიძინა და ფერმაში წაიყვანა. ხარი მოუთვინიერებელი იყო, აგრესიული გახდა და პატრონს თავს დაესხა.
დაშავებული სასწრაფო დახმარების ჯგუფის მისვლამდე გარდაიცვალა. მას მრავლობითი ჭრილობები და დაზიანებები აღენიშნებოდა. გარდაცვლილს მეუღლე და ორი მცირეწლოვანი შვილი დარჩა.