გლდანის მე-8 სასჯელაღსრულების დაწესებულებაში სამუდამო პატიმრობამისჯილი 70-მდე მსჯავრდებული შიმშილობს. აღნიშნულ ინფორმაციას სასჯელაღსრულების მინისტრიც ადასტურებს.
სოზარ სუბარის განცხადებით, პატიმრებს სურთ, რომ მათი საქმეების გადახედვა მოხდეს, თუმცა ეს საგამოძიებო უწყების პრეროგატივაა.
მისი თქმით, არ არის გამორიცხული, პატიმრების საქმეები მართლაც გადაიხედოს, მათ ამისთვის შესაბამისი მტკიცებულებები უნდა ჰქონდეთ.
რაც შეეხება პატიმრების ჯანმრთელობის მდგომარეობას, მინისტრის განაცხადებით, მსჯავრდებულების ჯანმრთელობას განსაკუთრებული ყურადღება მიექცევა.
შეგახსენებნთ, რომ სამუდამო პატიმრობამისჯილმა 70-მდე მსჯავრდებულმა შიმშილობის აქცია გუშინ გამოაცხადა.
