საქართველოში შაქრის ფასი 40 %-ით გაიზარდა. ოპოზიციის წარმომადგენლები აცხადებენ, რომ ყოველდღიური მოხმარების პროდუქტებზე ფასების კატარსტოფულმა მატებამ ოჯახებს სერიოზული დარტყმა მიაყენა.
ქრისტიან-დემოკრატები შაქრის ფასს აპროტესტებენ და ხელისუფლებას შაქრის ფასის ხელოვნურ მატებაში ადანაშაულებენ. ქრისტიან-დემოკრატები ძლიერი ატიმონოპოლიური სამსახურის შექმნას ითხოვენ, რომელიც დამოკიდებული არ იქნება ხელისუფლებაზე.
გიორგი ახვლედიანის მტკიცებით, შაქრის ფასის მატება საქართველოში ერთადერთი შაქრის იმპორტიორის მონოპოლიზაციითაა განპირობებული.
"საქართველოში დღეს არსებობს ერთადერთი კომპანია, რომელსაც ხელისულფების მხრიდან აქვს ყველანაირი ნებართვა და საშუალება იყოს მონოპოლისტი. საქართველოს საზღვარზე ერთ გრამ შაქარს ვერ გადმოიტანს ვერავინ მათი კურირების გარეშე და მათ გარეშე. აქედან გამომდინარე მათ ძალიან მარტივად ადგნენ და გააძვირეს ფასი. ამიტომაც ვსაუბრობთ, ქრისტიან -დემოკრატები დღეს ყველაზე მნიშვნელოვანია ანტომონოპოლიური რეგულაციის ძლიერი მექანიზმები, ძლიერი ანტიმონოპოლიური სამსახური რომელიც იქნება დამოუკიდებელი და რომელიც არ დაუშვებს ამგვარ განუკითხაობას", _ აცხადებს ახვლედიანი.
