სირიელმა მეამბოხეებმა ავიაბაზა „ალ-ნეიბარის" აღების შესახებ გამოაცხადეს, რომელიც ალეპოს სამხრეთ-აღმოსავლეთ ნაწილში მდებარეობს. ამის შესახებ სააგენტო „როიტერი" იტყობინება. ავიაბაზის ასაფრენი ბილიკი ალეპოს საერთაშორისო აეროპორტისთვისაც გამოიყენებოდა. ასე რომ, ამ ქალაქის საჰაერო მიმოსვლა დანარჩენ სამყაროსთან, ამჟამად შეჩერებულია.
აეროპორტისთვის ბრძოლა წლის დასაწყისიდანვე მიმდინარეობდა. მეამბოხეებმა აეროპორტს ალყა შემოარტყეს და ობიექტზე იერიში მიიტანეს. ამის პარალელურად, მათ ალეპოს დასავლეთის მიმართულებიდანაც შეუტიეს. ამჟამად, მეამბოხეები დამასკოს ცენტრალურ ნაწილშიც იბრძვიან. ერთი დღით ადრე კი, სამხედრო აეროდრომი აიღეს, რომელიც დარაიეში მდებარეობს. სახელისუფლო ძალები ოპოზიციას ინტენსიური დაბომბვებით და რაიონების საარტილერიო დაბომბვებით პასუხობენ.
მასალის გამოყენების პირობები
