აჭარის ა.რ. ტერიტორიაზე სტიქიის შედეგად დაზარალებული ოჯახების შემსწავლელმა სამთავრობო კომისიამ სტიქიის შედეგად დაზარალებული ოჯახების შესწავლა ხელვაჩაურის მუნიციპალიტეტში უკვე დაასრულა და დღეს შემოწმება ქობულეთის მუნიციპალიტეტში დაიწყო. აქ კომისიის წევრები იმ 40-მდე ეკომიგრანტი ოჯახის მდგომარეობას გაეცნობიან, რომლებსაც მინიჭებული აქვთ პირველი და მეორე კატეგორია. კომისიის მიერ ხელვაჩაურის მუნიციპალიტეტში შესწავლილი იქნა 30 ეკომიგრანტი ოჯახის საცხოვრებელი პირობები.
სამთავრობო კომისიის შემადგენლობაში შედიან აჭარის ჯანდაცვის სამინისტროს დევნილთა და განსახლების დეპარტამენტის, აჭარის გარემოს დაცვის გეოლოგიის სამსახურის წარმომადგენლები და მუნიციპალიტეტების რწმუნებეულები. კომისია აჭარის მთავრობას მუშაობის ანგარიშს 15 თებერვალს წარუდგენს.
