ლევან ბერძენიშვილი ელჩების ნაწილის გამოწვევას აუცილებელ პროცესად მიიჩნევს, _ აღნიშნულის შესახებ "პრაიმტაიმის" პრესკლუბში სტუმრობისას კოალიცია ,,ქართული ოცნების" დეპუტატმა ლევან ბერძენიშვილმა ელჩების გამოწვევის კომენტირებისს განაცხადა.
მისი თქმით, საქართველოს საგარეო პოლიტიკა უნდა იყოს მთავრობის ხელში, ელჩი, რომელიც მთავრობას არ დაემორჩილება, უნდა გამოიწვიონ.
"ელჩი საქართველოს ხელისუფლების პოლიტიკას უნდა დაემორჩილოს და ვინც ასე არ აკეთებს, ის გამოიცვლება და ამაში დიდი პრობლემა არ არის. ვინც ამ პროცესში პოლიტიკურ დევნას დაინახავს, დაინახოს. მე ვფიქრობ, რომ ელჩმა უნდა წარმოადგინოს ქვეყანა უპირველეს ყოვლისა. ხოლო ქვეყანა არის ის, რომელმაც გაიმარჯვა არჩევნებში", განაცხადა ბერძენიშვილმა.
შეგახსენებთ, რომ თანამდებობა 18 ელჩმა დატოვა.