ისრაელის საელჩო საქართველოში ქართველი პილიგრიმების ისრაელში ვიზიტთან დაკავშირებით მედიაში გავრცელებულ ინფორმაციას იკვლევს.
ისრაელში სტუმრობის მსურველი ინდივიდუალებისა თუ ჯგუფებისათვის ვიზების გაცემა ისრაელის კანონმდებლობის შესაბამისად ხორციელდება. ისრაელის საელჩო პროცესის ხელშეწყობისთვის ძალებს არ იშურებს.
შეგახსენებთ, რომ მედიაში ვრცელდება ინფორმაცია, რომ ქართველ პილიგრიმებს ისრაელის შსს ვიზების გაცემაზე უარი უთხრა, რის გამოც, ქართველი მომლოცველების ნაწილი შობის დღესასწაულს ისრაელში ვეღარ შეხვდებიან.
