ამ პარლამენტმა პრეზერვატივებზე ბუსუსებით აკრძალვითა და ჯაშუშების გარეთ გაშვებით დაამახსოვრა ხალხს თავი, - განაცხადა საქართველოს პრეზიდენტმა მიხეილ სააკაშვილმა პარლამენტის მიერ ამნისტიის კანონზე ვეტოს დაძლევის შემდეგ გაკეთებულ საგანგებო განცხადებაში.
"ჯერ-ჯერობით დიდი მწუხარებით მიხდება იმის თქმა, რომ ამ პარლამენტმა თავი დაამახსოვრა ხალხს მხოლოდ ორი რამით - პრეზერვატივებზე ბუსუსებით აკრძალვითა და პედოფილებისა და ჯაშუშების გარეთ გაშვებით. ეს, კიდევ ერთხელ ვიმეორებ, არის სამარცხვინო. მე ვერ ვიხსენებ ასეთ პრეცენდნეტს დამოუკიდებლობის შემდეგ, ვერც ერთი პარლამენტის ისტორიაში. მე ამას ვამბობ დიდი გულისტკივლით, დიდი დანანებით, არა როგორც ქვეყნის პრეზიდენტი, არამედ როგორც ჩვენი ქვეყნის მოქალაქე", - განაცხადა პრეზიდენტმა.
შეგახენებთ, რომ საქართველოს პარლამენტმა ამნისტიის კანონზე პრეზიდენტის ვეტო დაძლია. ვეტოს დაძლევას მხარი 91-მა დეპუტატმა დაუჭირა, წინააღმდეგი კი პარლამენტის 24 წევრი წავიდა.
