რუსეთის ჯაშუშების გარეთ გაშვება წაახალისებს ნებისმიერ სხვას, - განაცხადა საქართველოს პრეზიდენტმა მიხეილ სააკაშვილმა პარლამენტის მიერ ამნისტიის კანონზე ვეტოს დაძლევის შემდეგ გაკეთებულ საგანგებო განცხადებაში.
მისი თქმით, რუსეთი არის ქვეყანა, რომელმაც საფრთხე შეუქმნა საქართველოს.
"რუსეთის ჯაშუშების გარეთ გაშვება არა მხოლოდ წარმოუდგენელი უკანონობაა და საფრთხეს უქმნის ეროვნულ უსაფრთხოებას, არამედ წაახალისებს ნებისმიერ სხვას, ვინც მომავალში მზად არის იგივე ქმედება განახორციელოს საკუთარი ქვეყნის მიმართ. ჩაიდინოს პირდაპირ რომ ვთქვათ, საკუთარი ქვეყნის მიმართ ღალატი. არც ერთი თავის თავზე პატივისმცემელი ქვეყანა, ნაწილობრივ ოკუპირებული, ასეთ ნაბიჯებს, ასე ხელაღებით არასოდეს არ დგამს", - განაცხადა პრეზიდენტმა.
შეგახენებთ, რომ საქართველოს პარლამენტმა ამნისტიის კანონზე პრეზიდენტის ვეტო დაძლია. ვეტოს დაძლევას მხარი 91-მა დეპუტატმა დაუჭირა, წინააღმდეგი კი პარლამენტის 24 წევრი წავიდა.