დღევანდელი გადაწყვეტილება სამარცხვინო ფურცლად ჩაიწერება ქართული პარლამენტარიზმის ისტორიაში, - განაცხადა საქართველოს პრეზიდენტმა მიხეილ სააკაშვილმა პარლამენტის მიერ ამნისტიის კანონზე ვეტოს დაძლევის შემდეგ გაკეთებულ საგანგებო განცხადებაში.
მისი თქმით, მან ვეტო იმიტომ დაადო, რომ ქვეყნისთვის თავიდან აეცილებინა ამ კანონის ყველაზე უარყოფითი ასპექტები, რომელიც ეხებოდა გარდა დანარჩენი კატეგორიების, შეწყალებისა - "პედოფილების, მოზარდთა მიმართ ძალადობის, გარყვნილების ჩამდენების, რუსეთის ჯაშუშებისა და სახელმწიფო გადატრიალებაში მონაწილე სამხედრო ელემენტების, მეამბოხეების გარეთ გაშვებას".
შეგახენებთ, რომ საქართველოს პარლამენტმა ამნისტიის კანონზე პრეზიდენტის ვეტო დაძლია. ვეტოს დაძლევას მხარი 91-მა დეპუტატმა დაუჭირა, წინააღმდეგი კი პარლამენტის 24 წევრი წავიდა.
