,,საგაზაფხულო სესიის ჩატარება, ქუთაისში მოგვიწევს, მაგრამ გაზაფხულის ბოლოდან, ალბათ პარლამენტი მიიღებს გადაწყვეტილებას, რომ პარლამენტი ძველ შენობას დაუბრუნდეს თბილისში", _ განაცხადა ჟურნალისტებთან პარლამენტის თავმჯდომარემ და აღნიშნა, რომ საკანონმდებლო ორგანო ამისთვის შესაბამის საკანონმდებლო ცვლილებებზე მუშაობს.
,,პარლამენტში ინიცირებულია საკონსტიტუციო ცვლილებების პროექტი, რომლითაც შესაძლებლობა იქმნება, რომ პარლამენტი დაბრუნდეს თბილისში ძველ შენობაში. ცვლილებები ალბათ, თებერვალში იქნება განხილული. Pპარალელურ რეჟიმში დავიწყეთ მუშაბა იმ თბილისში შენობის წესრიგში მოყვანის შესახებ. შენობა გადმოცემულია პარლამენტის ბალანსზე. გამოცხადა ტენდერი რომლითაც გამოვლინდა კომპანიები, რომელიც თბილისში ყოფილ პარლამენტის შენობაში უახლოეს ხანებში სამუშაოებს დაიწყებენ. საგაზაფხულო სესიის ჩატარება ქუთაისში მოგვიწევს, მაგრამ გაზაფხულის ბოლოდან, ალბათ პარლამენტი მიიღებს გადაწყვეტილებას, რომ ძველ შენობას დაუბრუნდეს თბილისში", -განაცხადა დავიტ უსუფაშვილმა და აღნიშნა, რომ პარალელურად დაიწყება მსჯელობა ქუთაისის შენობის საკითხთან დაკავშირებით.
,,ქუთაისს სრულად არ დავტოვებთ და ქუთაისს საკითხს პარალელურ რეჟიმში გადავწყვეტთ", -განაცხადა უსუფაშვილმა.