ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს შიდა აუდიტის დეპარტამენტმა ჩატარებული სამუშაოების შედეგად ხუთი არალეგალური საწყობი აღმოაჩინა, _ აღნიშნულის შესახებ ჟურნალისტებთან ლტოლვილთა მინისტრმა დავით დარახველიძემ საგანგებო პრესკონფერენციაზე განაცხადა. დარახველიძის ინფორმაციით, აღმოჩენილია საწყობები, სადაც დევნილებისთვის შეძენილი საყოფაცხოვრებო ნივთებია აღმოჩენილი რომელთა დიდი ნაწილი უკვე უვარგისია.
მინისტრის განცხადებით, საქმე ეხება 2008-2009 წლებში დევნილებისთვის სახელმწიფო ბიუჯეტიდან გამოყოფილ სახსრებს, რომელიც რეალურად ლტოლვილებს არ მოხმარებიათ. D როგორც დარახველიძემ ჟურნალისტებთან განაცხადა აღმოჩენილი საწყობები და ნივთები სამინისტროს ბალანზე არ ირიცხება.
,,საწყობები არ არის სამინისტროს ბალანსზე და არც ხელშეკრულებაა გაფორმებული საწყობის მესაკუთრეებთან, თუნდაც საწყობის იჯარით, ქირით სამინისტროსთვის გადმოცემის თაობაზე. საწყობებში არ არიან ინვენტარზე მატერიალურად პასუხსმგებელი პირები", - განაცხადა დარახველიძემ და აღნიშნა, რომ მომხდარიდან გამომდინარე სახელმწიფოსთვის მიყენებულმა მატერიალურმა ზარალმა სამი მილიონ ხუთასი ათასი ლარი შეადგინა. როგორც დარახველიძემ ჟურნალისტებთან განმარტა 2008-2009 წლებში დევნილთა სამინისტროსთვის გამოყოფილი თანხების მიზნობრიობა აუდიტის სამსახურმა ორჯერ შეამოწმა თუმცა არანაირი დარღვევა არ აღმოუჩენია.
,,ამიტომ მინდა მივმართო საქართველოს პარლამენტს და ვთხოვო, საქართველოს ყოფილი კონტროლის პალატის და ამჟამად სახელმწიფოს აუდიტის სამსახურის დანაშაულებრივი საქმეების თანამონაწილეობის შემოწმება საპარლამენტო კომისიის მიერ", -განაცახადა დარახველიძემ და აღნიშნა, რომ მომხდის შესახებ პროკურატურა ინფორმირებულია და უხახლოეს დღეებში გამოძიება დაიწყება.
დარახველიძის განცხადებით, მომხდართან დაკავშირებით შესაძლოა დადაგეს ოკუპირებული ტერიტოპიებიდან იძულებით გადაადგილებულ პირთა განსახლებისა და ლტოლვილთა სამინისტროს ყოფილი მინისტრის კობა სუელიანის პასუხისმგებლობის საკითხი, რადგან 2008-2009 წწ-ის ხელმძღვანელობა უწყებას.