საქართველოს პარლამენტის წევრმა, გოგა ხაჩიძემ, ქვეყნის უმაღლესი საკანონმდებლო ორგანოს ვიცე-სპიკერ, მანანა კობახიძეს, არასწორი ინფორმაციის გავრცელებისათვის, ბოდიში ინტერნეტით მოუხადა. კერძოდ, ხაჩიძე თავის „ფეისბუქზე" წერს: „როგორც აღმოჩნდა, ის რომ ქ-ნი მანანა კობახიძის მეუღლე საქმიანობს კომპანია ლუკოილში, არასწორი ინფორმაციაა.ბოდიშს ვიხდი, ჩემს პირად ფბ გვერდზე გადაუმოწმებელი ინფორმაციის გამოქვეყნებისთვის.ქ-ნ მანანას ოჯახს, რაღა თქმა უნდა, მაინც ვუსურვებ ბედნიერ ახალ წელს! :)".
შეგახსენებთ, გუშინ გავრცელებული ინფორმაციის მიხედვით, ხაჩიძე „ფეისბუქით" ირწმუნებოდა, რომ საწვავის კონსოლიდირებულ ტენდერში გამარჯვება „ლუკიოლ ჯორჯიამ" მოიპოვა, რომლის გენერალური დირექტორის მოადგილე, კობახიძის მეუღლე, კახა გოგიჩაშვილია.