,,თუ ამბობ, რომ არა იქნება ჰესები, თბოელექტროსადგური ამით ძირს უთხრი ურთერთობას ჩვენს პარტნიორებთან", - განაცხადა მიხეილ სააკაშვილმა სტუდენტებთან შეხვედრისას, რომელიც მთავრობის ბოლოდროინდელ განცხადებებს გამოეხმაურა.
"ამ დღეებში მთავრობამ გამოაცხადა, რომ პრივატიზაციის ყველა პროექტს გადახედავს, ამ დღებში საქართველოს მთავრობამ გამოაცხადა, რომ ის შეაჩერებს ყველა დიდი ჰესის მშენებლობას, ამ დღეებში საქართველოს მთავრობამ რამდენიმე განცადება გააკეთა ყარსი-ახალქალაქის სტრატეგიული რკინიგზის პროექტზე _ეს არის განცხადებები რომლის უკან კონკრეტული მოქმედებები დაგს. განაცხადება უკვე საკმარისია ეკონომიკაში, რომ გამოასხივო არასტაბილურობა და გამოასხივო დიდი გაურკვევლობა და გამოასხივო ქაოსი. როცა ამბობ, რომ გადახედავ ყველა დიდი ჰესის მშენებლობის პროცესს ეს არის 20 000 დასაქმებული საქართველოს მოქალაქე და ეს არის საქართველოს გრძელვადიანი ენერგეტიკული დამოუკიდებლობა, ეს არის ის, რომ საქართველო აღარასდროს აღარ იყოს ჩამოკიდებული რუსეთზე. თუ შენ ამბობ, არ იქნება ჰესები, თბოელექტროსადგური ამით ძირს უთხრი ჩვენს ურთერთობას იმ პარტნიორებთან რომლებიც დაკავებულები არიან უკვე რამდენიმე წელია საქართველოსთან ურთიერთობით", -განაცხადა სააკაშვილმა და აღნიშნა, რომ მთავრობა ხალხს ეუბნება, რომ მომდევნო სამი წელი ეკონომიკური ზრდა არ იქნება.
