საგარეო საქმეთა მინისტრის პირველმა მოადგილემ დავით ზალკალიანმა გაცნობითი ხასიათის შეხვედრა გამართა საქართველოში გერმანიის ფედერაციული რესპუბლიკის საგანგებო და სრულუფლებიან ელჩთან ორთვინ ჰენიგთან.
შეხვედრაზე, განხილულ იქნა საქართველოსა და გერმანიას შორის არსებული ორმხრივი და მრავალმხრივი თანამშრომლობის მიმდინარე საკითხები. ხაზი გაესვა ქვეყნებს შორის არსებულ პარტნიორულ ურთიერთობებს და აღნიშნული თანამშრომლობის გაგრძელებისა და გაღრმავების აუცილებლობას.
ელჩმა დაადასტურა გერმანიის მხარდაჭერა, საქართველოს ტერიტორიული მთლიანობისა და სუვერენიტეტის მიმართ.
