პარლამენტს საქართველოს უზენაესი სასამართლოს წევრისთვის უფლებამოსილების ვადაზე ადრე შეწყვეტის უფლება უბრუნდება. აღნიშნულს
„საერთო სასამართლოების შესახებ" კანონში შესატანი ცვლილებები ითვალისწინებს, რომლის განხილვაც დღეს იურიდიულ საკითხთა კომიტეტეტის სხდომაზე მოხდა.
ცვლილებების თანახმად, პარლამენტს უბრუნდება საქართველოს უზენაესი სასამართლოს წევრისთვის უფლებამოსილების ვადაზე ადრე შეწყვეტის უფლება. იუსტიციის უმაღლეს საბჭოს კი დარჩება სააპელაციო და რაიონული(საქალაქო) სასამართლოს მოსამართლეების თანამდებობიდან გათავისუფლების უფლებამოსილება. იურიდიულ საკითხთა კომიტეტმა მხარი დაუჭირა განხილული კანონპროექტების რიგგარეშე სესიის სხდომაზე გატანას.