ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა და მინისტრმა დავით დარახველიძემ ჟურნალისტებს 2012 წლის ოქტომბერ-ნოემბრის ანგარიში წარუდგინა. მინისტრმა ანგარიშის წარდგენა დევნილთა სტატისტიკური მონაცემებით დაიწყო. დღევანდელი მონაცემებით 88 000 დევნილი ოჯახია საქართველოში დარეგისტრირებული. აქედან გრძელვადიანი საცხოვრებელი ფართით დაკმაყოფილებულია დაახლოებით 25 000 დევნილი ოჯახი. საცხოვრებელი ფართით დაკმაყოფილებას ელოდება 62 000 დევნილი ოჯახი.
დავით დარახველიძემ აღნიშნა, რომ არსებობს ს 2012-2014 წლების სტრატეგია, რომელიც გულისხმობს კომპაქტირ ჩასახლებაში მცხოვრები 3 000 დევნილი ოჯახის საცხოვრებელი ფართით 2014 წლამდე დაკმაყოფილებას.
მინისტრმა ასევე ისაუბრა იმ მემკვიდრეობაზეც, რაც მას სამინისტროში დახვდა - სხვადასხვა საკუთრების სახელმწიფო თუ კერძო ობიექტებში შეჭრილი დევნილები, რომელთა რაოდენობამაც ოქტომბრის ბოლოსთვის 6 000-სს მიაღწია (2 000-მდე ოჯახი). „პირველ რიგში, სამინისტრიმ დაიწყო ამ პრობლემის მოგვარებაზე მუშაობა. შეჭრილებთან 2 თვის მანძილზე მიმდინარეობდა ინტენსიური დიალოდი, მივაღწიეთ შედეგს, რაც ახალი ხელმძღვანელობისა და სამინისტროს სეროზული წარმატებაა. შევძელით უმტკივნეულოდ, პოლიციის ჩარევის გარეშე, გამოგვეთავისუფლებინა ბაქოს ქუჩა #1-ში თვითნებურად დაკავებული ფართი, სადაც შესახლდა ავარიულ „ბამბის ნართში" მცხოვცრები დევნილი ოჯახები. ამას გარდა, ახალ საცხოვრებელში გადავიყვფანეთ 65 ოჯახი ქუთაისში, 3 ოჯახი ბათუმში, 1 ოჯახი აბაშაში და 1 ოჯახი სენაკში" - აღნიშნა მინისტრმა.
ერთ-ერთ წარმატებულ სიახლედ დასახელდა ის, რომ სამინისტროს კარი გაიხსნა ყველა დევნილისათვის. დავით დარახველიძის თქმით, დაწესდა მიღების დღეები და საშუალება აქვთ, პირადად შეხვდნენ მინისტრს, მოადგილეებს და თავიანთ პრობლემებზე ესაუბრონ. „კვირის მანძილზე 300-მდე დევნილს ვხვდებით და ვუსმენთ. ამას ემატზება ინტენსიური შეხვედრხები კომპაქტური ჩასახლების ობიექტებში. ჩვენი მოსვლიდან დღემდე 3 000-მდე დევნილს შევხვდით" - განაცხადა მინისტრმა.
დავით დარახველიძემ ყურადღება სამინისტროს ბიუჯეტზეც გაამახვილა. მისი თქმით: „ეტს, 2013 წლის ბიუჯეტის პროექტი 24 მილიონ ლარს შეადგენდა, დღეს კი ბიუჯეტი გაორმაგდა და სამინისტროს ასიგნებები 50 მილიონ ლარს შეადგენს. 50 მილიონის გარდა (რომელიც გამოყენებული იქნბა დევნილთა პრობლემების გადასწაყვეტად), საქართველოს ინფრასრტუქტურისა და რეგიონული განვითარების სამინისტროდევნილთა ობიექტების მშენებლობისა და რეაბილიტაციისთვის დახარჯავს 83 მილიონ ლარს დახარჯავს."
სამინისტრო გეგმავს ძველი კარკასული შენობების რეაბილიტაციას, ბინებად გადაკეთებას და დევნილთა შესახლებას, ასევე, ახალი ბინების მშენებლობაა. არ გამოირიცხება მშენებლობები დედაქალაქსა და მასთან ახლოს რაიონებში.
დავით დარახველიძემ კიდევ რამდენიმე დაგეგმილ სიახლეზე გაამახვილა ყურადღება. ერთ-ერთია საკანონმდებლო ცვლილებებზე მუშაობა. მინისტრის თქმით: „მომავალი წლის პირველ ნახევარში გვექნება ახალი, თანამედროვე სტანდარტებტან მიახლოებული საკნონმდებლო ნორმები, რითაც დარეგულირდება დევნილთა პრობლემები. ამასთან, ვიწყებთ მუშაობას კერძო სექტორის დევნილთა საჭიროებების მიმართულებებით - კერძო სექტორის დევნილთა აღრიცხვის მეთოდოლოგიის შემუშავებას, მათი იდენთიფიკაციას, საჭიროებების კვლევას და შესაბამისად, მათი მოგვარების გზების დასახვას. დასრულებულია მუშაობა კრიტერიუმებზე, რომლის მეხედვითაც განიხილება დევნილთა განსახლება."
სამინისტრო ასევე გეგმავს საშვთა ბიუროსა და დევნილთა მისაღები ცენტრის ახალ სერვის ცენტრში გადატანას, რომელიც სამინისტროს პირველ სართულზე, სამინისტროს შენობის მეორე მხრიდან აშენდება. ახალ ცენტრში დევნილები ყველა მომსახურებას მიიღებენ. შესაბამისად, განიმუხტება ის სიტუაცია, რაც სამინისტროს შემოსასვლელში დღეს არსებობს.
მინისტრი შენობების თვითნებურად დაკავებასაც შეეხო და აღნიშნა, რომ ეს არის უკანონობა, რომლის წახალისება და მხარდაჭერა ვერ მოხდება. „ შეჭრილ ობიექტებთან დაკავშირებით მიდგომა იგივეა, არ შეცვლილა - შეჭრა არის უკანონო ქმედება, კანონის დარღვევა და ვთხოვთ და მოვუწოდებთ დევნილ მოსახლეობას, ნუ ეცდებიან მსგავსი ფორმებით შენობების თვითნებურად დაკავებას. არავინ უაყოფს პასუხისმგებლობას და ვალდებულებას სახელმწიფოს მხრიდან დევნილთა მიმართ. ვისაც გადაუდებელი აუცილებლობა გააჩნია, მაქსიმალურად ვიმუშავებთ, რომ მისი პრობლემა მოგვარდეს, ვინც შენიობებში სხვა მიზნით არის შეჭრილი, მას მოუწევს ფართი გაათავისუფლოს და სწაყის მდგომარეობას დაუბრუნდეს" - აღნიშნა მინისტრმა.
დავით დარახველიძის ანგარიშს დევნილი მოსახლეობაც დაესწრო.