,,უკეთესი იქნებოდა, პრეზიდენტის ავღანეთში ჩასვლა საჯაროდ ჯერ არ გამხელილიყო" -განაცხადა ჟურნალისტებთან მეცნიერებათა აკადემიაში სტუმრობისას ირაკლი ალასანიამ. როგორც მედიის წარმომადგენლებთან თავდაცვის მინისტრმა განაცხადა ახალ წელს პრეზიდენტთან ერთად ავღანეთში იქნება გაერთიანებული შტაბის ხელმძღვანელი პოლკოვნიკი ძნელაძე.
"შეიარაღებული ძალების უმაღლესი მთავარსარდალი მიემგზავრება ავღანეთში და ხვდება ჩვენს ჯარს, ეს მისასალმებელია. თავისთავად ძალიან მნიშვნელოვანია, რომ ახალ წელს უმაღლესი მთავარსარდალი, ერთ-ერთი ლიდერი ჯარის გვერდით იყოს. ბუნებრივია უკეთესი იქნებოდა, რომ საჯაროდ ეს ჯერ არ გამხელილიყო", - განაცხადა ალასანიამ.
შეგახსნებთ, რომ პრეზიდენტის ,,ფეისბუკის" გვერდზე გავრცელებული ინფორმაციით, მიხეილ სააკაშვილი ახალ წელს ავღანეთში მებრძოლ ქართველ ჯარისკაცებთან ერთად შეხვდება.