,,დარწმუნებული ვარ, უცხოელებისთვის კოჰაბიტაციის მსურველი სააკაშვილის გამონათქვამები, შეფასებები და ჟარგონები შოკისმომგვრელი იქნება", - განაცხადა ,,ჯი-ეიჩ-ენთან" საუბარში ექსპერტმა სოსო ცისკარიშვილმა მიხელ სააკაშვილის განცხადების კომენტირებისას.
,,პრეზიდენტი, რომელიც ბოლო ორი დღის განმავლობაში ვიხილეთ ქართველებისთვის არახალია, მაგრამ როცა მისი ტექსტები უცხოელებისთვის იქნება ნათარგმნი, დარწმუნებული ვარ, კოჰაბიტაციის მსურველი სააკაშვილის გამონათქვამები, შეფასებები და ჟარგონები შოკისმომგვრელი იქნება", _ განაცხადა სააგენტო ,,ჯი-ეიჩ-ენთან" საუბარში ცისკარიშვილმა.
მისივე განცხადებით, შიში, რომ ახალი ხელისუფლების პირობებში ყოფილი პრემიერის ზურაბ ჟვანიას გარდაცვალების რეალური ისტორია ცნობილი გახდება ,,ნაციონალური მოძრაობის" ისტერიას განაპირობებს.
,,შიში იმისა, რომ საზოგადოებისთვის ცნობილი გახდება ზურაბ ჟვანიას გარდაცვალების რეალური ისტორია განაპირობებს ,,ნაციოანალური მოძრაობის" ყველა წევრის ისტერიულ რეაქციას, იმ ნაბიჯების მიმართ რაც სამართლიანობის აღდგენის კუთხით მიმდინარეობს", -განაცხადა ცისკარიშვილმა და აღნიშნა, რომ პრეზიდენტის მშვიდი ტონალობა ხანმოკლე აღმოჩნდა.
,, ყველა მოწმენი ვართ, თუ როგორ ხანმოკლე გამოდგა მიხეილ სააკაშვილის მშვიდი ტონალობა, რომელიც, მართალი გითხრათ, უხდებოდა. იგი, როგორც ჩანს, უბრუნდება საკუთარი ტემბრს, საკუთარი ცილისწამებით და არცთუ ისე ადეკვატური განსაზღვრებებით. Gგანსხვავება მხოლოდ ის არის, რომ თუ ადრე ,,ნაციონალური მოძრაობა" კრძალავდა ქურდული მენტალიტეტის მიმანიშნებელ თემებს, რასაც უწოდებდნენ ,,აბა ყვავებს ვინ დაიჭერს კარგო გალიაში ბულბულები ზიან" - ახლა მათ ეს სიმღერა, პრაქტიკულად, პარტიულ ჰიმნად აქციეს და ,,ნაციონალური მოძრაობის" ყველა წევრი და აქტივისტი სწორედ ამ თემით აპელირებენ", _ განაცხადა ცისკარიშვილმა.
შეგახსენებთ, რომ მიხეილ სააკაშვილის ტონი ,,ქართული ოცნების" მიმართ ბოლო ორი დღის განმავლობაში მნიშვნელოვნადა შეიცვალა. სააკაშვილმა ივანიშვილის გუნდს ,,ოროსნებისა და მნგრეველების ბრიგადა" უწოდა. Mმისივე განცხადებით, ქვეყანაში თალიბანიზაციის პროცესი მიმდინარეობს.