"ნიკა გვარამიას დაკავება გაუგებარი ბრალდებებით გარკვეულ ეჭვებს იწვევს", - განაცხადა ჟურნალისტებთან ,,თავისუფლებისა და მხარდაჭერის ცენტრის" წარმომადგენელმა გიორგი ონიანმა ნიკა გვარამიას დაკავების კომენტირებისას.
,,გამოძიება შეიძლება დაიწყოს ნებსიმიერ ფაქტზე, სადაც შსს, პროკურატურას რაიმე სახის მტკიცებულება ექნება კანონდარღვევაზე, მაგრამ პირველივე მისვლაზე, დაკითხვაზე მოწმის სტატუსით დაბარებული ერთ-ერთი რეიტინგული არხის დირექტორი დააკავო გაუგებარი ბრალდებებით ყოველგვარი უტყუარი მტკიცებულების გარეშე გარკვეულ ეჭვებს იწვევს", _ განაცხადა გიორგი ონიანმა.
შეგახსენებთ, რომ ,,რუსთვი-2"-ის გენერალური დირექტორი სამართალდამცავებმა 19 დეკემბერს დააკავეს. იუსტიციისა და განათლების ყოფილ მინისტრსა და ,,რუსთავი-2"-ის მოქმედ დირექტორს ნიკა გვარამიას ბრალს დღეს წაუყენებენ. ხოლო სასამართლო მისთვის აღმკვეთი ღონისძიების შეფარდების საკითხზე ხვალ იმსჯელებს. როგორც ჟურნალისტებთან ნიკა გვარამიას ადვოკატმა განაცხადა მისი დაცვის ქვეშ მყოფი თავს დამნაშავედ არ ცნობს. "გვარამიას ბრალი ოფიციალურად არ წაჰყენებია, მასალები არ გადმოუციათ, მაგრამ ზეპირად რაც ვიცი -გვარამიას ედავებიან სსკ 193-ე და 338-ე მუხლს, რაც ქრთამის აღებასა და ცრუ მეწარმეობაში დახმარებას გულისხმობს", - განაცხადა მამუკა ჭაბაშვილმა.
