"ნაციონალური მოძრაობა" NDI-ის მიერ გამოქვეყნებულ რეიტინგებს ეთანხმება. როგორც ჟურნალისტებთან "ნაციონალური მოძრაობის" წევრმა ლევან ბეჟაშვილმა განაცხადა, პარტია გამოქვეყნებულ რეიტინგებს ენდობა.
"NDI-ის რეიტინგებს ვეთანხმებით, როგორც ვეთანხმებოდით წარსულშიც, რადგან გამოქვეყნებულ რეიტინგებს აქვს თავისი საფუძვლები, მეთოდები. ჩვენთვის საგულისხმოა ის ტენდენცია, რომელიც კვლევაშია გამოქვეყნებული", - განაცხადა ჟურნალისტებთან ბეჟაშვილმა.
შეგახსენებთ, რომ NDI-მ პოლიტიკური პარტიის რეიტინგები გამოაქვეყნა. კვლვის მიხედვით, კოალიცია "ქართულ ოცნებას" გამოკითხულთა 63% უჭერს მხარს, "ნაციონალურ მოძრაობას" - 10%, ხოლო რესპონდენტთა 3% მხარს "ქდმ"-ს უჭერს. NDI-ის კვლევის საველე სამუშაოები ჩატარდა 14-25 ნოემბრის პერიოდში, საქართველოს მასშტაბით 1,947 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს კავკასიის კვლევითი რესურსების ცენტრი (CRRC). კვლევაში ცდომილების ზღვარი +-3%-ია.