საქართველოს ყოფილ საგარეო საქმეთა მინისტრს გრიგოლ ვაშაძეს ნაკლებას სჯერა, რომ "მგლები ვეგეტარიანელები გახდებიან" და იმისა, რომ "მუხლებიდან წამომდგარი რუსეთი" საქართველოს ნატოში გაწევრიანებას დასთანხმდება.
მისივე განცხადებით, რუსეთი ახლაც უარს აცხადებს ქაღალდზე მარტივ ტექსტად დადოს, ის რომ საქართველოს წინააღმდეგ ძალას არ გამოიყენებს. ეს განცხადებები გრიგოლ ვაშაძემ გადაცემა "აქცენტებში" საუბრისას.
"22 -ე რაუნდი დამთავრდა ჟენევაში. რუსეთი კატეგორიულ უარს ამბობს დაადასტუროს თავისი ვალდებულება რომელიც სრულიად შეესაბამება გაეროს წესდებას - ანუ კიდე ერთხელ ქაღალდზე მარტივ ტექსტად დადოს, რომ საქართველოს წინააღმდეგ ძალას არ გამოიყენებს ან გააკეთოს ისეთივე განცხადება, როგორიც საქართველოს პრეზიდენტმა 2010 წლის 23 ნოემბერს გააკეთა, როდესაც ჩვენ იმ განცხადებით ავიღეთ იურიდიული ვალდებულება - ეს არ ხდება", _ აცხადებს ვაშაძე და აღშნავს, რომ რუსეთმა საქართველოს უკვე გამოუცხადა, რომ "დეოკუპაციაზე" ლაპარაკი - არ იქნება.
"არ ვიცი თუ მგლები გახდებიან ვეგეტარიანელები. რუსეთის ხელისუფლება, რომელიც "მუხლებიდან ადგა" უახლოესი სამეზობლო თავისი გავლენის სფეროებად გამოაცხადა. მანვე ბატონი ზურაბისა და ამხანაგ კარასინის შეხვერის წინ უკვე თქვა, რომ არავითარი ლაპარაკი არასოდეს არ იქნება დეოკუპაციაზე. იმავე რუსეთმა მედვედევის პირით გამოცხადა, რომ არასოდეს არ დასთანხმდება საქართველოს ნატოში გაწევრიანებას', _ აცხადებს ვაშაძე.
