ურთიერთობების გაჯანსაღების შესაძლებლობები მაინც არსებობს, - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა "რია ნოვოსტის" საქართველოს პრემიერ-მინისტრის სპეციალურ წარმომადგენელთან რუსეთთან ურთიერთობების საკითხში ზურაბ აბაშიძესთან შეხვედრის შემდეგ განუცხადა.
"ყველა იმ სირთულის არსებობის პირობებში, რომელიც სააკაშვილის მმართველობის პერიოდში დაგროვდა, ურთიერთობების გაჯანსაღების შესაძლებლობები მაინც არსებობს", - აღნიშნა კარასინმა.
რუსეთის საგარეო საქმეთა მინისტრის მოადგილემ ყურადღება გაამახვილა შესაძლო ურთიერთობის კონკრეტულ მიმართულებებზე - ვაჭრობა, ტრანსპორტი, ავიამიმოსვლა და კულტურულ-ჰუმანიტარულ სფეროები.
მისი შეფასებით, ზურაბ აბაშიძესთან შეხვედრა საქმიანი და საკმაოდ ინფორმატიული იყო.
"ჩვენ აღვნიშნეთ, რომ სახელმწიფოთაშორისი ურთიერთობა საქართველოსა და რუსეთს შორის ჩიხშია შესული, საჭიროა მათი გაჯანსაღება და ურთიერთქმედების კონკრეტული ფორმის მიცემა ისე, რომ არ დაზარალდეს რუსეთის პოლიტიკური პოზიცია. სწორედ ამას ეძღვნებოდა ეს პირველი შეხვედრა", - განაცხადა კარასინმა.
მისი თქმით, მხარეები შეთანხმდნენ დიალოგის გაგრძელებაზე.
