საგარეო საქმეთა მინისტრმა მაია ფანჯიკიძე საქართველოში ერაყის რესპუბლიკის ელჩი ტაიბ მუჰამედ ტაიბის შეხვდა, რომელიც უახლოეს დღეებში საქართველოში თავის მოღვაწეობას დაასრულებს.
საგარეო საქმეთა სამინისტროს ინფორმაციით, შეხვედრის დროს განხილულ იქნა საქართველოსა და ერაყის რესპუბლიკას შორის ურთიერთობების არსებული მდგომარეობა და მათი შემდგომი განვითარების პერსპექტივები.
საქართველოს საგარეო საქმეთა მინისტრმა მადლობა გადაუხადა ერაყის ელჩს ორ ქვეყანას შორის თანამშრომლობის გაღრმავების საქმეში შეტანილი მნიშვნელოვანი წვლილისთვის და შემდგომი წარმატებები უსურვა.
