საგარეო საქმეთა მინისტრი მაია ფანჯიკიძე ზურაბ აბაშიძესა და გრიგოლი კარასინს შორის დღეს დაგეგმილი შეხვედრაზე დიდი მოლოდინს არ ამყარებს. როგორც ქვეყნის პირველი დიპლომატი განმარტავს, ამ შეხვედრას მხოლოდ ტექნიკური ხასიათი ექნება, რაზეც მხარეები შემდგომი შეხვედრის დეტალებზე და ზოგადად განსახილველ საკითხებზე შეჯერდებიან.
"ამ შეხვედრიდან განსაკუთრებული მოლოდინი არ გვაქვს. ეს იქნება ტექნიკური ხასიათის შეხვედრა, სადაც მხარეები მომდევნო შეხვედრების ფორმატზე, ადგილზე და ასე შემდეგ შეთანხმდებიან. ამიტომ ჩვენ ველით, რომ ჩვენ ველით, რომ განხილული იქნება ისეთი საკითხები, როგორიც არის თუ რა პერიოდულობით მოხდება მსგავსი შეხვედრები, სად მოხდება ეს შეხვედრები - ეს არ იქნება სულ შვეიცარიაში და ვინ მიიღებს ამ შეხვედრებში მონაწილეობას, როგორც ქართული ასევე რუსული მხარიდან"- აცხადებს მაია ფანჯიკიძე.