ჟენევის საერთაშორისო მოლაპარაკებების მორიგ რაუნდთან დაკავშირებით განცხადებას რუსეთის საგარეო საქმეთა სამინისტრო ავრცელებს. განცხადებაში ნათქვამია, რომ მოლაპარაკებებზე ყურადღება გამახვილებული იყო ჟენევის დისკუსიების მთავარ თემაზე - აფხაზეთისა და ე.წ. სამხრეთ ოსეთის უსაფრთოების უზრუნველყოფაზე.
"კიდევ ერთხელ აღინიშნა, რომ ამ სახელმწიფოებსა და საქართველოს შორის იურიდიულად სავალდებულო ხელშეკრულების გაფორმება აბსოლუტურად პრიორიტეტულია კავკასიაში შექმნილი ახალი რეალობების ფარგლებში. რეგიონის ხალხების მშვიდობიანი ცხოვრებისთვის აუცილებელი მიზნის მიღწევის გზაზე განხილულ იქნა შესაძლო შუალედური დოკუმენტის შემუშავების ვარიანტები. რუსულმა მხარემ ამასთან დაკავშირებით თავისი წინადადებები წარადგინა", _ ნათქვამია რუსეთის საგარეო საქმეთა სამინისტროს განცხადებაში და იქვე აღნიშნულიაა: შეხვედრაზე აღინიშნა ინციდენტების პრევენციისა და მათზე რეაგირების სამუშაო ჯგუფების გალის შეხვედრების განახლების აუცილებლობაც.
"კონსტრუქციულად წარიმართა უგზო-უკვლოდ დაკარგულთა საკითხის განხილვაც. შეხვედრაზე ასევე გამოვლინდა მონაწლეთა აზრთა სხვადასხვაობა დღის წესრიგთან დაკავშირებით. მოლაპარაკებების თანათავმჯდომარეებს გაეროს, ევროკავშირისა და ეუთოს მხრიდან დაევალათ მუშაობის გაგრძელების ყველასთვის მისაღები ვარიანტების შემუშავება", _ ნათქვამია განცხადებაში.
შეგახსენებთ, რომ ჟენევის საერთაშორისო მოლაპარაკებათა მორიგი 23-ე რაუნდი 2013 წლის 26-27 მარტს გაიმართება.
