ჟენევის საერთაშორისო მოლაპარაკებების ჩატარებულ რაუნდზე, მხარეები შეეჩეხნენ საორგანიზაციო საკითხებს, რომლებიც დაკავშირებული იყო აფხაზური და ოსური მხარის წარმომადგენლების პრინციპულ მოუმზადებლობასთან განეხილათ დევნილებისა და იძულებით გადაადგილებული პირების საკითხი. განცხადება ამის შესახებ მოლაპარაკებებზე რუსული დელეგაციის ხელმძღვანელმა, რუსეთის საგარეო საქმეთა მინისტრის მოადგილემ გრიგორი კარასინმა გააკეთა.
"ეს გადაწყვეტილება დაკავშირებულია იმასთან, რომ უკვე პირველი წელი არ არის რაც საქართველოს გაეროში შეაქვს სპეციალური რეზოლუცია, რომელიც ამ საკითხებთან არის დაკავშირებული, ხოლო აფხაზეთისა და სამხრეთ ოსეთის წარმომადგენლებს ამ განხილვებამდე არ უშვებენ.
ამით ხდება დე-ფაქტო დისკრიმინაცია, ამიტომაც ისინი პრინციპულად არ მონაწილეობენ ამ საკითხების განხილვაში ჟენევაში. დღეს კი ამ საკითხების განხილვის არქონისსურვილმა, გნებავთ ამას უთანხმოება დავარქვათ გამოიწვია საქართველოს, აფხაზეთისა და სამხრეთ ოსეთის წარმომადგენლებს შორის", _ განაცხადა გრიგორი კარასინმა.
შეგახსენებთ, რომ ჟენევის საერთაშორისო მოლაპარაკებების მორიგი, 23-ე რაუნდი მომავალი წლის მარტის ბოლოს გაიმართება.