ბულგარეთის საგარეო საქმეთა მინისტრის ნიკოლაი მლადენოვის განცხადებით მნიშვნელოვანია, რომ ჟენევის მოლაპარაკებები ცოცხალი იყოს.
,,მნიშვნელოვანია, რომ ჟენევის პროცესი ცოცხალი იყოს და დარწმუნებული ვიყოთ იმაში, რომ მასში ყველა მხარე ჩართული იქნება. რუსეთთან ურთიერთობის საკითხებში სპეციალური წარმომადგენლის დანიშვნას რაც შეხება, ვიცით, რომ ეს ორი ერთმანეთისგან განსხვავებული პროცესია და მოველით დეტალურ ინფორმაციას იმ სტრატეგიასთან დაკავშირებით, რომელიც ახალ მთავრობას გააჩნია რუსეთთან ურთიერთობებში", - განაცხადა ნიკოლაი მლადენოვმა.
შეგახსენებთ, რომ ჟენევის საერთაშორისო მოლაპარაკებების მორიგი, 23-ე რაუნდი მომავალი წლის მარტის ბოლოს გაიმართება. განცხადება ამის შესახებ ჟემევის მოლაპარაკებებზე რუსული დელეგაციის ხელმძღვანელმა, რუსეთის საგარეო საქმეთა მინისტრის მოადგილემ გრიგორი კარასინმა გააკეთა.
ამას გარდა, მისივე თქმით, რუსეთის საგარეო საქმეთა სამინისტრო იმედს იტოვებს, რომ ჟენევის საერთაშორისო მოლაპარაკებების მორიგ რაუნდზე თანათავმჯდომარეები გაეროს, ეუთოსა და ევროკავშირის მხრიდან შეძლებენ მოქმედების ისეთი ფორმულირებების შემუშავებას რომლებიც ყველა მონაწილე მხარისათვის იქნება მისაღები.
"ჩვენი თანათავმჯდომარეების იმედი დავიტოვოთ, რომ ისინი მოქმედებების ისეთი ფორმულირებების შემუშავებას შეძლებენ, რომელიც ყველასათვის მისაღბი იქნება", _ განაცხადა კარასინმა.
